ગેરકાયદે ખનિજ વહન કરતાં સાત ડમ્પર જપ્ત

ભુજ, તા. 19 : જિલ્લા કલેક્ટર અનિલકુમાર રાણાવસિયાનાં માર્ગદર્શન હેઠળ તથા ભૂસ્તરશાસ્ત્રી ડી. એસ. બારિયાના નેતૃત્વમાં ખાણ અને ખનિજ વિભાગની ટીમે ભુજ તાલુકાના મમુઆરા વિસ્તારમાં ચાઇનાકલે અને સિલિકા સેન્ડ ખનિજના ગેરકાયદેસર વહન સામે કાર્યવાહી હાથ ધરી હતી. આ કાર્યવાહી દરમિયાન ડમ્પર નં. જી.જે.-12-સીટી- 6816, જી.જે.-12-સીટી- 8469, જી.જે.-12-સીટી- 4888, જી.જે.-12-બીવાય- 7541, જી.જે.-12-બીવી- 9602, જી.જે.-12-બીઝેડ- 7973 અને જી.જે.-12-સીટી- 6863 સહિત કુલ સાત ડમ્પર મોમાઈ ચાઈનાકલેના સ્ટોક  વિસ્તાર ખાતે જપ્ત કરીને મોમાઈ ચાઈનાકલેની કસ્ટડી હેઠળ રાખવામાં આવ્યાં છે. જપ્ત કરાયેલ મુદ્દામાલની અંદાજિત કિંમત રૂા. બે કરોડ છે. ભૂસ્તરશાસ્ત્રીની કચેરી ભુજ દ્વારા આ પ્રકરણમાં કાયદાકીય નિયમોનુસાર આગળની દંડકીય કાર્યવાહી હાથ ધરવામાં આવશે.  જિલ્લામાં ગેરકાયદેસર ખનન, ખનિજ વહન તથા ખનિજ સંગ્રહ જેવી પ્રવૃત્તિઓને અટકાવવા ખાણ અને ખનિજ વિભાગ દ્વારા આગામી સમયમાં પણ આ પ્રકારની તપાસ અને કડક કાર્યવાહી હાથ ધરવામાં આવશે તેવું જણાવાયું હતું.