ગાંધીધામ, તા. 24 : ભચાઉના નંદગામ નાની ચીરઈમાં
રહેતા એક યુવાનનો મોબાઈલ હેક કરી ગઠિયાએ બારોબાર રૂા. 51,000 ઉપાડી લીધા હતા. નંદગામમાં
રહી ટી.એમ. સોલ્ટ ચીરઈમાં કામ કરનાર પીયૂષ શામજી ખાટરિયા (આહીર) નામનો યુવાન આ બનાવનો
ભોગ બન્યો હતો. આ યુવાનને તેના મિત્ર મોહિત ધનજી બરારિયાએ આર.ટી.ઓ. ચલણની એ.પી.કે.
ફાઈલ મોકલી હતી અને આ ચલણ ક્યાનુ છે જોઈને
મને જાણ કરવા કહ્યું હતું ત્યારે યુવાન કામમાં હોવાથી બાદમાં તેણે આ ફાઈલ ખોલીને જોઈ
હતી. બાદમાં તેને ઓટીપી આવ્યા હતા અને જુદા-જુદા ત્રણ ટ્રાન્ઝેશન થકી ગઠિયાઓએ કુલ રૂા.
51,000 ઉપાડી લીધા હતા. ગત ફેબ્રુઆરી
મહિનામાં બનેલા આ બનાવ અંગે પોલીસે આજે ગુનો નોંધી હવે આગળની તપાસ હાથ ધરી છે.
