ગાંધીધામ, તા. 5 : પશ્ચિમ કચ્છ એલસીબી પોલીસ ટુકડીએ ડુમરાથી કોટાયા પાટિયા વચ્ચે એક ગાડીમાંથી રૂા. 99,160નો અંગ્રેજી દારૂનો જથ્થો ઝડપી પાડયો હતો. આ દરોડામાં એક આરોપીની ધરપકડ કરવામાં આવી હતી. ડુમરાથી
કોટાયા પાટિયા વચ્ચે એચ.પી. પેટ્રોલપંપના પાછળના
ભાગે બાવળની ઝાડીઓમાં ફોરવ્હીલ ગાડીમાં દારૂનો જથ્થો રાખી તેનું વેચાણ થતું હોવાની
પૂર્વબાતમીના આધારે પોલીસ આ સ્થળે ત્રાટકી
હતી. પોલીસ આ સ્થળે પહોંચી ત્યારે દારૂના જથ્થાને સગેવગે કરવાની પેરવી ચાલતી
હતી. આ દરોડોમાં ભારતીય બનાવટના વિદેશી દારૂની
અલગ-અલગ બ્રાન્ડની 78 બોટલ કિં.રૂા. 88,600 તથા બીયર ટીન નંગ. 46 કિં.રૂા.10560નો જથ્થો મળી આવ્યો હતો. આ ગુનામાં નામીચા બુટલેગર ભાવેશ નારાણ ગઢવી (રહે. કોટાય,તા. માંડવી)ની ધરપકડ કરી હતી. પોલીસે ગાડી નં.
જીજે. 12.જે.1701 કિં.રૂા.1 લાખ,
પાંચ હજારનો મોબાઈલ ફોન સહિત કુલ રૂા.2,04,160નો મુદ્દામાલ હસ્તગત લીધો હતો.
આ ગુનામાં સામેલ આરોપી ભાવસંગ રાઠોડ (રહે. ડુમરા,
તા. અબડાસા)ને પકડી પાડવા પોલીસે ચક્રોગતિમાન કર્યાં છે.
