ભુજના વિદ્યાર્થીની રાજ્ય કક્ષાના ચેસ કાર્યક્રમ માટે થઈ પસંદગી

ગાંધીધામ, તા. 2 : ભુજના સાર્થ પટેલે ચેસ રમતમાં નોંધપાત્ર પ્રદર્શન સાથે નોંધપાત્ર સિદ્ધિ હાંસલ કરી હતી. સાર્થ અંડર-7 ઇન્ટરસ્કૂલ ગુજરાત સ્ટેટ ચેમ્પિયન બન્યો હતો તેમજ અંડર-7 ગુજરાત સ્ટેટ રેગ્યુલર ચેસ ચેમ્પિયનશિપમાં ત્રીજું સ્થાન મેળવ્યુ હતું. આ  ઉત્કૃષ્ટ રમતને ધ્યાનમાં રાખીને ગુજરાત સરકાર દ્વારા પ્રતિભાશાળી ખેલાડીઓ માટે ચલાવવામાં આવતા સેન્ટર ઓફ એક્સેલન્સ (સીઓઈ) ચેસ કાર્યક્રમમાં કચ્છના  આ ખેલાડીની પસંદગી કરવામાં આવી છે.  આ  ખેલાડી  હાલમાં પોદાર ઇન્ટરનેશનલ સ્કૂલ, ભુજમાં ધોરણ-2માં અભ્યાસ કરે છે. તે ઓફલાઇન ચેસ તાલીમ દક્ષ ઠક્કર પાસે મેળવી રહ્યો છે.   જ્યારે વિવિધ ચેસ ટૂર્નામેન્ટ અંગે સમયસર માર્ગદર્શન અને માહિતી હર્ષ રૂપારેલનું ગ્રુપ આપી રહ્યંy છે.