નવી દિલ્હી, તા. 15 : ન્યૂઝીલેન્ડ
સામેની પાંચમી અને અંતિમ વન-ડે મેચમાં ભારતીય ઝડપી બોલર અર્શદીપ સિંહે પોતાની બાલિંગ
ઉપરાંત બાટિંગમાં પણ વિસ્ફોટક અંદાજ બતાવી બે ખાસ રેકોર્ડ પોતાના નામે કર્યા છે. અંતિમ
ક્રમે બાટિંગ કરવા ઉતરેલા અર્શદીપે 4 બોલમાં બે છગ્ગાની મદદથી 14 રનની
અણનમ ઇનિંગ્સ રમી ભારતને સન્માનજનક સ્કોર સુધી પહોંચાડયું હતું. આ તોફાની બાટિંગ સાથે
અર્શદીપ ભારતીય ક્રિકેટ ઇતિહાસમાં નંબર-11 પર બાટિંગ કરતા ઇનિંગ્સના પ્રથમ
બોલે જ છગ્ગો ફટકારી ખાતું ખોલાવનાર માત્ર ત્રીજો ભારતીય બેટ્સમેન બન્યો છે. અગાઉ આ
અનોખી સિદ્ધિ માત્ર વેંકટેશ પ્રસાદ (વર્ષ 2000માં ઓસ્ટ્રેલિયા સામે) અને જસપ્રીત
બુમરાહ (વર્ષ 2019માં
ઓસ્ટ્રેલિયા સામે) જ હાંસલ કરી શક્યા હતા.
ડે ઇનિંગ્સમાં નંબર-11ના ક્રમે ભારત તરફથી સૌથી વધુ બે છગ્ગા ફટકારવાના
સંયુક્ત રેકોર્ડની પણ તેણે બરાબરી કરી લીધી છે. આ યાદીમાં તેણે પૂર્વ ઝડપી બોલર વેંકટેશ
પ્રસાદ (1996માં
પાકિસ્તાન સામે) અને મોહમ્મદ શમી (2014માં શ્રીલંકા સામે)ની ખાસ ક્લબમાં
સ્થાન મેળવી લીધું છે.
