સિંધુ ઇન્ડોનેશિયા ઓપનની બહાર

જાકાર્તા, તા.4 : ઇન્ડોનેશિયા ઓપન સુપર સિરીઝ-1000 બેડમન્ટિન ટૂર્નામેન્ટના બીજા રાઉન્ડમાં હારીને ભારતની સ્ટાર શટલર પીવી સિંધુ બહાર થઈ છે. દ. કોરિયાની વિશ્વ નંબર વન ખેલાડી આન સે યંગ સામે સિંધુનો બીજા રાઉન્ડમાં 17-21 અને 14-21થી પરાજય થયો છે. આ જ ખેલાડીની વિરુદ્ધ ગત સપ્તાહે સિંગાપોર ઓપનના ક્વાર્ટરમાં સિંધુ હારી હતી. આન સે યંગ વિરુદ્ધ પીવી સિંધુ 10મો મેચ હારી છે. આ સિવાય મેન્સ સિંગલ્સના બીજા રાઉન્ડમાં ભારતનો યુવા ખેલાડી આયુષ શેટ્ટી હોંગકોંગના ખેલાડી સી. વાય. લી સામે 21-16, 13-21 અને 14-21થી હારીને ઇન્ડોનેશિયા ઓપનની બહાર થયો હતો.