એમ્મા અપસેટ સર્જી સેમિ ફાઇનલમાં

ન્યૂયોર્ક, તા. 4 : અમેરિકી ટેનિસ મહિલા ખેલાડી એમ્મા નવારો પહેલીવાર કોઈ ગ્રાંડસ્લેમ ટેનિસ ટૂર્નામેન્ટની સેમિ ફાઇનલમાં પહોંચી છે. તેણે અપસેટ કરીને ક્વાર્ટર ફાઇનલ મેચમાં સ્પેનની પાઉલા બેડોસાને 6-2 અને 7-પથી હાર આપી હતી. આવતીકાલે સેમિમાં તેની ટક્કર બીજા ક્રમની બેલારૂસની ખેલાડી આર્યના સબાલેંકા વિરુદ્ધ થશે. તેણીએ સાતમા નંબરની ચીનની ખેલાડી ઝેંગ કિનવેનને 6-2 અને 6-2થી હાર આપી હતી. ઝેંગ પેરિસ ઓલિમ્પિકમાં ગોલ્ડ મેડલ જીતી હતી. પુરુષ વિભાગમાં ચોથો ક્રમનો જર્મન ખેલાડી એલેક્ઝાંડર જવેરેવ ક્વાર્ટર ફાઇનલમાં અમેરિકી ખેલાડી ટેલર ફિટજ સામે હારીને બહાર થયો છે. જવેરેવ વિરુદ્ધ ફિટજની 7-6, 6-3, 6-4 અને 7-6થી વિજય થયો હતો. આ મેચ 3 કલાક 26 મિનિટ ચાલી હતી. અમેરિકી ખેલાડી ફિટજનો સેમિમાં સામનો પોતાના જ દેશના ખેલાડી ફ્રાંસિસ ટિયાફો વિરુદ્ધ થશે. બુલ્ગેરિયાનો ગ્રિગોર દિમિત્રોવ ઇજાને લીધે ચોથા સેટમાં હટી ગયો હતો ત્યારે સ્કોર હતો, 6-3, 6-7, 6-3 અને 4-1.