ભુજ, તા. 13 : તાલુકાના
વેકરિયા રણમાં આવેલા મંદિરમાં પ્રવેશેલા અસામાજિક તત્ત્વએ મંદિરમાં રહેલી દેવી-દેવતાઓની
મૂર્તિઓને નુકસાન કરી હોવાની ફરિયાદ ધોરડો પોલીસ મથકના ચોપડે નોંધાઈ હતી. પોલીસે આપેલી
વિગતો મુજબ, વેકરિયાના રણમાં ભુજ-ખાવડા ધોરીમાર્ગ પર આવેલા
ગોગા મહારાજના મંદિરમાં પ્રવેશેલા જુસબ જાકબ જતે
ગોગા મહારાજની મૂર્તિ તથા મોમાઈ માતાજીની મૂર્તિમાં તોડફોડ કરી નુકસાન પહોંચાડયું
હતું. આ મામલે ધોરડો પોલીસે ફરિયાદ નોંધી આગળની તપાસ હાથ ધરી છે.
