હરમનપ્રીત કૌરનું વેક્સ સ્ટેચ્યૂ, વિશ્વની પ્રથમ મહિલા ક્રિકેટર

નવી દિલ્હી, તા. 13 : ભારતીય મહિલા ક્રિકેટ ટીમની પૂર્વ કેપ્ટન હરમનપ્રીત કૌરે વધુ એક ઐતિહાસિક સિદ્ધિ હાંસલ કરી છે. હરમનપ્રીત કૌર વિશ્વની પ્રથમ એવી મહિલા ક્રિકેટર બની ગઈ છે, જેમનું લાઈફ-સાઈઝ વેક્સ સ્ટેચ્યુ તૈયાર કરવામાં આવ્યું છે. જયપુરમાં જેનું અનાવરણ હરમનપ્રીતે ખુદ પોતાના હાથે કર્યું હતું. હવે આ પ્રતિમાને જયપુરના નાહરગઢ કિલ્લામાં બનેલા `િહસ્ટોરિકા - સ્ટેપ ઇનટુ હિસ્ટ્રી' વેક્સ મ્યુઝિયમમાં કાયમી ધોરણે રાખવામાં આવશે. વર્ષ 2025માં ભારતીય મહિલા ક્રિકેટ ટીમને પ્રથમ વખત વનડે વર્લ્ડ કપનો ખિતાબ અપાવનાર હરમનપ્રીતની આ ઉપલબ્ધિ તેમના શાનદાર ક્રિકેટ કરિયરમાં વધુ એક યાદગાર અધ્યાય ઉમેરવા સમાન છે.