મુંદરા તા.ના બે તલાટીને માહિતી આયોગથી દંડનો આદેશ

મુંદરા, તા. 14 : ગુજરાત માહિતી આયોગ દ્વારા મુંદરા તાલુકાનાં નવીનાળ ગ્રામ પંચાયતના તલાટીને  રૂા. 10,750નો દંડ અને ભુજપુરના તલાટીને રૂા. 16,000નો દંડ ફટકારવામાં આવ્યો હતો. આ રકમ અંગત ભંડોળમાંથી ભરપાઇ કરવાની રહેશે. રાજ્ય માહિતી કમિશનરે આપેલા આદેશ મુજબ અરજદારોને માહિતી ન આપવા તેમજ માહિતી અધિકાર અધિનિયમ-2005ના કાયદાનું નિયમાનુસાર પાલન ન કરવા બદલ ગુજરાત માહિતી આયોગ દ્વારા નવીનાળ તલાટી એમ.એ. સોઢાને રૂા. 10,750નો દંડ ફટકારવામાં આવ્યો હતો, જ્યારે ભુજપુરના તલાટી ડી.આર. સોઢાને રૂા. 16,000ના દંડનો આદેશ કરાયો છે.