સરહદી ખાવડામાં કોલી સમાજ સાથે સાંસદે દિવાળીની ખુશીઓ વહેંચી

ભુજ, તા. 9 : સરહદી ખાવડા ગામની સાંસદે મુલાકાત લઈ કોલી સમાજના લોકો સાથે દિવાળીની ખુશીઓ વહેંચી હતી. આ પ્રસંગે સાંસદે સમાજના વડીલોને શાલ ઓઢાડી સન્માન્તિ કર્યા હતા તેમજ સમાજના સર્વે લોકોને મીઠાઈનું વિતરણ કરી દિવાળીનાં પર્વની શુભેચ્છાઓ પાઠવી હતી. આ મુલાકાત દરમિયાન તેમણે સમાજના લોકો સાથે સંવાદ કરી સામાજિક એકતા અને ભાઈચારાનો સંદેશો આપ્યો હતો. આ પ્રસંગે જિલ્લા ભાજપ મંત્રી રાજેશભાઈ પલણ, હોમગાર્ડ કમાન્ડન્ટ મનીષભાઈ બારોટ, મોહનભાઈ ચાવડા, વિરમભાઈ આહીર, નરેશભાઈ મહેશ્વરી, ખાવડાના સરપંચ જેસંગભાઈ કોલી, પી.આઈ. શ્રી ચાવડા સહિતના આગેવાનો અને ગ્રામજનો ઉપસ્થિત રહ્યા હતા.