નવી દિલ્હી, તા. 16 : અલ્મોડાના
24 વર્ષીય ખેલાડી લક્ષ્ય સેન શુક્રવારે
ઈન્ડિયા ઓપન સુપર 700 બેડમિન્ટન
સ્પર્ધાના ક્વાર્ટર ફાઈનલ મુકાબલામાં ચીની તાઈપેનાલિન મુન યી સામે હારી જતાં સ્પર્ધામાં
ભારતીય અભિયાન સમાપ્ત થઈ ગયું હતું. સેનની હાર સાથે ભારતીય બેડમિન્ટન રસિકોની આશાઓ
પણ ખતમ થઈ ગઈ હતી. ત્રણ ગેમ સુધી મજબૂત ટક્કર આપ્યા બાદ લક્ષ્ય નિર્ણાયક દોરમાં જ પાછળ
રહી ગયો હતો. સેન વિશ્વના 12મા ક્રમના
ખેલાડી લિન સામે 21-17, 13-21, 18-21થી હારી ગયો હતો. બંને ખેલાડીએ થકવી દેનારી ત્રણેય રમતમાં એક-બીજાના
સંયમ અને સટિકતાની પરીક્ષા લીધી હતી.
