`ઉપર આભ, નીચે ધરતી વચ્ચે હડસેલાં ખાતી જિંદગી'

તસવીરમાં નાની બાળા પોતાના માથે બચેલી સામગ્રી પોટલામાં બાંધી કાટમાળ પરથી પસાર થતી જોઈ શકાય છે : ભૂકંપ બાદ લોકોના સંઘર્ષ અને જીવતરની ઝઝૂમતી હકીકત દર્શવતી આ તસવીરે ભૂકંપના વર્ષો વીત્યાં પછી પણ એ ઘટમાળ યાદ અપાવી દીધી. ભૂકંપથી અનેક મકાનો ધરાશાયી થયાં હતાં, અનેક પરિવારો ઉજડયા. રાહત - બચાવ કામગીરી દેશ - વિદેશથી કચ્છમાં  પહોંચી. દિવસો પછી મહિનાઓ  અને વર્ષો વીત્યાં પછી આજે નવસર્જિત કચ્છ વિકાસની હરણફાળ ભરતો અવ્વલ જિલ્લો બન્યો છે ત્યારે આ તસવીર `રુક જાના નહીં તું હાર કે....' ગીતના બોલ બોલતી હોય તેવું લાગે! : (માજી શિક્ષક અલીમામદ હારૂન ચાકીએ આ હકારાત્મક તસવીર અને સંદેશો આપ્યો હતો.)