ભુજ, તા. 31 : તાલુકાના ચુનડી તથા ગજોડની
સીમમાં પવનચક્કીઓમાંથી ચોરી તથા નુકસાનીની ફરિયાદ નોંધાઇ છે. માનકૂવા પોલીસ મથકે નોંધાયેલી
ફરિયાદ મુજબ ગત તા. 30-7થી 7-8 દરમ્યાન ચુનડી તથા ગજોડ સીમમાં
આઇનોક્સ કંપનીની પવનચક્કીઓમાંથી વાયર આશરે 75 મીટર કિં. રૂા. 22,500 તથા કન્ટ્રોલ પેનલમાંથી બસબાર પ્લેટ નંગ-12 કિં. રૂા. 24,000 એમ કુલ્લે રૂા. 46,500ની ચોરી તથા વાયરિંગ અને ઇક્વિપમેન્ટમાં
આશરે રૂા. 20,000ની નુકસાની કોઇ અજાણ્યા ચોર
ઇસમે કરી હતી. પોલીસે ફરિયાદ દાખલ કરી તપાસ હાથ ધરી છે.
