મુંદરા કોર્ટના અલગ-અલગ ચેક બાઉન્સ કેસોમાં ત્રણ આરોપીઓ નિર્દોષ છુટયા

મુંદરા, તા. 31 : અધિક ચીફ જ્યુડિશિયલ મેજિસ્ટ્રેટ, મુંદરા કોર્ટ દ્વારા ચેક બાઉન્સના  અલગ-અલગ ત્રણ કેસમાં ત્રણ આરોપીનો નિર્દોષ છુટકારો થયો હતો. ફોજદારી કેસ નં. 1739/ 2019માં આરોપી લખમશી પુનશી મહેશ્વરી, રહે. માંડવીને પુરાવાઓ અને કેસની હકીકતોના આધારે નિર્દોષ જાહેર કરાયા હતા. ફોજદારી કેસ નં. 853/2021માં આરોપી ધીરજ લાલજીભાઈ વિંઝોડા, રહે. મુંદરાને પણ કોર્ટ દ્વારા નિર્દોષ જાહેર કરવામાં આવ્યા હતા. આ બંને કેસમાં આરોપીઓ તરફથી એડવોકેટ કાનજીભાઈ સોંધરા હાજર રહ્યા હતા.  જ્યારે ચેક બાઉન્સના અન્ય એક  કેસ નંબર 2099/ 2021માં આરોપી અકબર ઈશાક કુરેશી,  મુ. ભદ્રેશ્વર , તા. મુંદરાનો નિર્દોષ છુટકારો થયો હતો. આરોપી તરફે વકીલ આઈ. એ. મેમણ હાજર રહ્યા હતા.