કિડાણાના તડીપાર બે શખ્સ પરત આવી ચડતાં પકડાયા

ગાંધીધામ, તા. 24 : કિડાણાના બે શખ્સને થોડા દિવસ અગાઉ તડીપાર કરાયા બાદ પરત અહીં આવી પહોંચતાં બંનેને પકડી પાડી પોલીસે ગુનો દાખલ કર્યો હતો. કિડાણામાં રહેનાર સુલ્તાન ગની છુછિયાને તા. 10/4ના તથા દાઉદ ઉર્ફે દાવલો ઇબ્રાહીમ કટિયાને તા. 21/4ના કચ્છ તથા તેને અડીને આવેલા જિલ્લાઓમાંથી બે માસ માટે તડીપાર કરાયા હતા, તેમ છતાં આ બંને શખ્સ કિડાણામાં નજરે પડયા હતા. સુલ્તાનને પીરની દરગાહ પાસેથી તથા દાઉદને 100 વારના પ્લોટ પાસેથી પકડી પાડી પોલીસે આ બંને શખ્સ સામે અલાયદા ગુના નોંધ્યા હતા.