મુંદરા, 21 : ભારતની સૌથી મોટી ખાનગી ટ્રાન્સમિશન-
વિતરણ કંપની અને વૈશ્વિક સ્તરે વૈવિધ્યસભર અદાણી કંપની પોર્ટફોલિયોના એક ભાગ એવા અદાણી
એનર્જી સોલ્યુશન્સ લિ. (એઇએસએલ)એ આજે જણાવ્યું હતું કે, અદાણી એનર્જી સોલ્યુશન્સે પાવર ટ્રાન્સમિશન
પ્રોજેક્ટ હાંસલ કર્યો છે. જે કચ્છના મુંદરામાં
ગ્રીન હાઇડ્રોજન અને ગ્રીન એમોનિયાના ઉત્પાદન માટે ગ્રીન એમોનિયાનો પુરવઠો પૂરો પાડશે.
રૂા. 2800 કરોડનો આ પ્રકલ્પ 36 મહિનામાં રાષ્ટ્રને અર્પણ કરવામાં
આવશે. ગુજરાત-કચ્છના મુંદરામાં ગ્રીન હાઇડ્રોજન/એમોનિયા મેન્યુફેક્ચારિંગ માટેના આ
પ્રકલ્પની ટ્રાન્સમિશન સિસ્ટમમાં 765/400 કિલોવોટના બે મોટા ટ્રાન્સફોર્મર ઉમેરીને અહીંના ઇલેક્ટ્રિકલ
સબ સ્ટેશનને અપગ્રેડ કરવાની યોજનાનો સમાવેશ થાય છે. ઉપરાંત આ સબ સ્ટેશનને ભુજ સબસ્ટેશન
સાથે જોડવા માટે 75 કિમી લાંબી
765 કિલોવોટની ડબલ-સર્કિટ લાઇન
બનાવવામાં આવશે. આ પ્રકલ્પ અદાણી એનર્જી સોલ્યુશન્સ લિ.ના સમગ્ર ટ્રાન્સમિશન આંતરમાળખાંમાં
150 સર્કિટ કિલોમીટર (સીકેએમ) ટ્રાન્સમિશન
લાઇન અને 3000 એમવીએ ટ્રાન્સફોર્મેશન ક્ષમતાનો
ઉમેરો થશે. આ સાથે આ ક્ષમતા વધીને અનુક્રમે 25,928 સીકેએમ અને 87,186 એમવીએ થશે. અદાણી એનર્જીએ ટેરિફ આધારિત સ્પર્ધાત્મક બાડિંગ
(ટીબીસીબી) મિકેનિઝમ હેઠળ આ પ્રોજેક્ટ જીત્યો છે. કંપનીએ નાણાકીય વર્ષમાં આ છઠ્ઠો ઓર્ડર
હાંસલ કર્યો છે, જે બાદ અદાણી એનર્જી સોલ્યુશન્સના
ઓર્ડરબુકને રૂા. 57,561 કરોડે
પહોંચાડે છે.
