નવી દિલ્હી,
તા.28: રોયલ
ચેલેન્જર્સ બેંગ્લુરુ બાદ હવે આઇપીએલની વધુ એક ફ્રેંચાઇઝી રાજસ્થાન રોયલ્સ વેચાઇ રહી
હોવાના અહેવાલ છે. આરસીબી ફ્રેંચાઇઝીના ઓનરે તો વેચાણ પ્રક્રિયાનો સત્તાવાર રીતે પ્રારંભ
કરી દીધો છે. હવે લખનઉ સુપર જાયન્ટસ ટીમના માલિક સંજીવ ગોયંકાના ભાઇ હર્ષ ગોયંકાએ દાવો
કર્યો છે કે રાજસ્થાન રોયલ્સ ફ્રેંચાઇઝી વેંચાવા માટે તૈયાર છે. તેના માલિકો નવા ઓનરની
શોધ છે. આ કામ નવી સીઝન અગાઉ લગભગ સમાપ્ત થઇ જશે. હર્ષ ગોયનકાએ આ જાહેરાત સોશિયલ મીડિયા
પર કરી છે. રાજસ્થાન રોયલ્સ ટીમના હાલના માલિક રોયલ્સ સ્પોર્ટ્સ ગ્રુપ (ઇમર્જિંગ મીડિયા
સ્પોર્ટિંગ લિમિટેડ) છે. જેની પાસે લગભગ 6પ
ટકા હિસ્સો છે. આ ઉપરાંત લાચલેન મર્ડોક અને રેડબર્ડ કેપિટલ્સ પાસે પણ હિસ્સેદારી છે.
વર્ષ 2009માં બોલિવૂડ
હિરોઇન શિલ્પા શેટ્ટી અને તેના પતિ રાજ કુન્દ્રાએ રાજસ્થાન રોયલ્સ ફ્રેંચાઇઝીનો 12 ટકા હિસ્સો ખરીદ્યો હતો. બાદમાં ફિકસીંગ મામલા પછી
તેઓએ ફ્રેંચાઇઝી સાથે છેડો ફાડયો હતો.