રાવલપિંડી,
તા. 28 : ઝડપી
બોલર દુષ્મંતા ચમીરાની 20 રનમાં
4 વિકેટની મદદથી ત્રિકોણીય શ્રેણીના કરો યા મરો સમાન
મેચમાં શ્રીલંકાએ પાકિસ્તાન વિરુદ્ધ 6 રને
હાર આપીને ફાઇનલની ટિકિટ બૂક કરી હતી. પાક. ટીમ પહેલા જ અંતિમ જંગમાં પહોંચી ચૂકી છે.
ઝિમ્બાબ્વે ટીમ ટૂર્નામેન્ટની બહાર થઇ છે. કામિલ મિસરાના 48 દડામાં 76 અને
કુસલ મેન્ડિસના 40 રનની મદદથી શ્રીલંકાએ 20 ઓવરમાં પ વિકેટે 184 રન
કર્યાં હતા. બાદમાં પાકિસ્તાનને 7 ઓવરમાં
178 રને અટકાવી દીધું હતું. પાકિસ્તાની કપ્તાન સલમાન આગાએ
કેરિયરની શ્રેષ્ઠ અણનમ 63 રનની
ઇનિંગ્સ રમી હતી, પણ તે પોતાની ટીમને જીત અપાવી શક્યો ન હતો. ચમીરાએ આખરી ઓવરમાં
10 રનનો આબાદ બચાવ કર્યો હતો. સલમાન
આગા ક્રિઝ પર હોવા છતાં તેણે ફક્ત 3 રન
જ થવા દીધા હતા.તેણે સાહિબઝાદા ફરહાન (9) અને
બાબર આઝમ (0)ની આખરી ઓવરમાં વિકેટ લીધી હતી.
પાક. તરફથી ઉસ્માન ખાને 33 અને
સઇમ અયૂબે 27 રન કર્યાં હતા. ત્રિકોણીય ટી-20 શ્રેણીની ફાઇનલ મેચ પાકિસ્તાન અને શ્રીલંકા વચ્ચે શનિવારે
સાંજે 6-30 વાગ્યાથી રમાશે.
