મુંબઇ, તા. 28 : દુબઇમાં
12 ડિસેમ્બરથી રમાનાર અન્ડર-19 એશિયા કપ માટેની ભારતીય ટીમની કપ્તાની મુંબઇના બેટધર
આયુષ મ્હાત્રેને સોંપવામાં આવી છે. બીસીસીઆઇએ આજે 1પ
ખેલાડીની ટીમ જાહેર કરી છે. જેમાં આક્રમક ઓપનર વૈભવ સૂર્યવંશી સામેલ છે. ટીમમાં સૌરાષ્ટ્રના
બે પ્રતિભાશાળી ખેલાડી હરવંશ સિંહ અને યુવરાજ ગોહિલ સામેલ છે. વિહાન મલ્હોત્રાને ભારતીય
અન્ડર-19 ટીમનો ઉપકપ્તાન બનાવાયો છે. અન્ડર-19 એશિયા કપ એક દિવસીય ફોર્મેટમાં રમાશે. જેમાં ભારત ગ્રુપ
એમાં પાકિસ્તાન અને બે કવોલીફાય ટીમ સાથે છે. ગ્રુપ-બીમાં બાંગલાદેશ, શ્રીલંકા, અફઘાનિસ્તાન સાથે એક કવોલીફાય ટીમ છે. આયુષ
મ્હાત્રે હાલ સારા ફોર્મમાં નથી. આમ છતાં પસંદગીકારોએ તેના પર ભરોસો કાયમ રાખ્યો છે.
તેણે ગત આઇપીએલ સીઝનમાં સીએસકે તરફથી સારો દેખાવ કરીને સારો દેખાવ કર્યો હતો. આ પછી
ઇંગ્લેન્ડ પ્રવાસમાં ચાર વન ડે મેચમાં તે ફકત 27 રન જ કરી શક્યો હતો. આ પછી ઓસ્ટ્રેલિયામાં 3 મેચમાં ફક્ત 10 રન
કર્યાં અને અન્ડર-19 યૂથ ટેસ્ટમાં 38 રન જ કરી શકયો હતો.
અન્ડર-19 ભારતીય ટીમ : આયુષ મ્હાત્રે (કેપ્ટન), વૈભવ સૂર્યવંશી, વિહાન મલ્હોત્રા, વેદાંત ત્રિવેદી, અભિજ્ઞાન કુંડૂ (વિકેટકીપર),
હરવંશ સિંહ (વિકેટકીપર), યુવરાજ ગોહિલ,
કનિષ્ક ચૌહાણ, ખિલન પટેલ, નમન પુષ્પક, ડી. દીપેશ, હેનીલ પટેલ,
કિશનકુમાર સિંહ, ઉદ્ધવ મોહન, એરન જોર્જ.
