માધાપર, તા. 27 : ભુજ તાલુકા સમસ્ત બ્રહ્મસમાજ
યુવા પાંખ દ્વારા પ્રેરિત માધાપર યુવા મંડળ દ્વારા ખેલ મહાકુંભ -2025 સરસ્વતી વિદ્યાલય માધાપર ખાતે
યોજાયો હતો. આજનાં બાળકો મોબાઈલમાં વ્યસ્ત રહેતા હોવાથી તેમને આપણી વિસરાઇ ગયેલ દેશી
રમતો રમાડવામાં આવી હતી. આજકાલ બનતી સામાન્ય બાબતોમાં ડિપ્રેશન આવી જતાં બાળકોને તેમાંથી
બહાર નીકળી આ રમતો તરફ વાળી જાગૃત કરવામાં આવ્યા હતા. સમાજના 5થી 57 વર્ષના 200 લોકોએ ભાગ
લીધો. માધાપર સમસ્ત બ્રહ્મસમાજના પ્રમુખ રાજેશભાઇ
જોષી અને યુવા મંડળના પ્રમુખ ચિંતનભાઇ ઓઝા, તાલુકામાંથી હિતેશભાઇ ભટ્ટ અને રાજદીપભાઇ દેવધર મુખ્ય આયોજક હતા. રમતગમત સમિતિના
કન્વીનર ભરતભાઇ ભટૈયા અને અન્ય સમિતિના કન્વીનર તરીકે રોબિનભાઇ રાજગોર, વિવેકભાઇ જોષી, વિમલભાઇ સેવક, નિખિલભાઇ
જોષી, પ્રતીકભાઇ ત્રવાડી, નૈમીષભાઇ જોષીએ
વ્યવસ્થા સંભાળી હતી. ભોજનના દાતા તરીકે જયવીરકુમાર રાજેશભાઇ જોષી, મંડપ અને સાઉન્ડ સિસ્ટમના દાતા તરીકે રોબિનભાઇ રાજેશભાઇ રાજગોરે સહયોગ આપ્યો
હતો. સહયોગી દાતા તરીકે ભાવિકભાઇ જોષી, અજિતભાઇ ભટ્ટ,
ઔદિચ્ય બ્રહ્મસમાજ માધાપર, પરશુરામ મંદિર સમિતિ
માધાપર વગેરેનો સહયોગ પ્રાપ્ત થયો હતો. અનિકભાઇ જોષી-ભુજ તાલુકા યુવા પ્રમુખનાં માર્ગદર્શન
હેઠળ અતિથિ તરીકે અજિતભાઇ આર્ય-ઔદિચ્ય બ્રહ્મસમાજના પ્રમુખ, પંકજભાઇ
રાજગોર- પ્રમુખ રાજગોર સમાજ, રાજદીપભાઇ દેવધર-સેવક સમાજના પ્રતિનિધિ, અજિતભાઇ ભટ્ટ-મોઢ
બ્રાહ્મણના પ્રતિનિધિ, પ્રકાશભાઇ વ્યાસ- પરશુરામ મંદિરના પ્રમુખ,
ડો. કિશનભાઇ આર્ય-પૂર્વ કચ્છના યુવા મંડળના ઉપપ્રમુખ અને તાલુકામાંથી
મહેશભાઇ વ્યાસ, હિતેશભાઇ પંડયા, પાર્થભાઇ
ગોર, સચિનભાઇ પંડયા, ચિંતનભાઇ ગોર,
હર્શલભાઇ ગોર, પ્રણવભાઇ સોમપુરા, હર્ષભાઇ પંડયા, મિરજાપરથી ગિરીશભાઇ જોષી, નારાણપરથી હાર્દિકભાઇ ગોર ઉપસ્થિત રહ્યા હતા. સંચાલન હિરેનભાઇ આચાર્ય અને ડો.
કિશનભાઇ આર્ય દ્વારા કરવામાં આવ્યું હતું.
