ગાંધીધામ, તા. 11 : સુરતમાં છ દિવસીય પ્રતિષ્ઠિત
નેશનલ સીબીએસઈ ટેબલ ટેનિસ ટૂર્નામેન્ટ યોજાઈ હતી,
જેમાં અહીંની અમરચંદ સિંધવી ઇન્ટરનેશનલ સ્કૂલની ટીમ નોંધપાત્ર પ્રદર્શન સાથે ઝળકી હતી. અંડર-14 ગર્લ્સ ટેબલ ટેનીસમાં અનાયશા
સિંઘવી (કેપ્ટન), સિદ્ધિ સિંઘવી,
માયરા ખેસ્કાની અને યાના સિંઘની અમરચંદ સિંઘવી ઇન્ટરનેશનલ સ્કૂલની ગર્લ્સ
ટીમની સેમિફાઇનલ સુધીની તમામ ગ્રૂપ મેચો જીતી
હતી. પ્રિ-ક્વાર્ટર ફાઇનલમાં દુર્ગા પબ્લિક સ્કૂલ, સોલન,
હિમાચલ પ્રદેશને 3-1 હરાવ્યું હતું, જ્યારે ક્વાર્ટર ફાઇનલમાં નવયુગ રેડિયન્સ સિનિયર સેકન્ડરી સ્કૂલને,
લખનઉ, ઉતરપ્રદેશની ટીમને 3-1થી હાર આપી હતી, પરંતુ સેમી ફાઇનલમાં જવાહર હાયર સેકન્ડરી સ્કૂલ,
નેવેલી, તમિલનાડુ સામે 0-3થી ગાંધીધામની શાળાની ટીમની હાર થઈ હતી. ગર્લ્સ ટીમે
બ્રોન્ઝ મેડલ સાથે સિદ્ધિ હાંસલ કરી હતી. ધ્રુવ
ભંભાણી (કેપ્ટન), રેહાંશ સિંઘવી
અને યુગપ્રતાપાસિંહની શાળાની અંડર-14 બોયઝ ટેબલ ટેનિસ ટીમે પણ ટોપ-8માં સ્થાન મેળવીને રાષ્ટ્રીય સ્પર્ધામાં
ભાગ લીધો હતો. ક્વાર્ટર ફાઇનલમાં જવાહર હાયર સેકન્ડરી સ્કૂલ, નેવેલી, તમિલનાડુ સામે
1-3થી હારી સહન કરવી પડવી હતી. બોયઝ અંડર-17 સિંગલ્સ ઈવેન્ટમાં આરવ સિંઘવી
મેઈન ડ્રોમાં પહોંચ્યો હતો અને રાઉન્ડ 32ની મેચમાં આ ટીમની હાર
થઈ હતી. અમરચંદ સિંધવી ઈન્ટરનેશનલ સ્કૂલના આચાર્ય મૃદુલ વર્માએ જણાવ્યું હતું કે, `આ સ્મારક
સિદ્ધિ માટે અમને અમારી વિદ્યાર્થિનીઓ પર અવિશ્વસનીય રીતે ગર્વ છે. આ મેડલ માત્ર અમારી
શાળા માટે જ નહીં, પરંતુ સમગ્ર
કચ્છ જિલ્લાની જીત છે. વિદ્યાર્થીઓની આ મહેનત
કચ્છને વધુ સિદ્ધિ અપાવશેનું કહ્યું હતું. શાળાના ટ્રસ્ટીનું વહીવટીતંત્ર, સ્ટાફ સહિતનાએ આ સિદ્ધિને આવકારીને
શુભેચ્છા પાઠવી હતી.
