જાપાન ઓપનમાં ભારતનો પડકાર સમાપ્ત : લક્ષ્ય અને સાત્ત્વિક-ચિરાગની હાર

ટોકિયો, તા. 17 : જાપાન ઓપન સુપર સિરીઝ-7પ0 બેડમિન્ટન ટૂર્નામેન્ટમાં ભારતનું અભિયાન નિરાશાજનક રૂપે સમાપ્ત થયું છે. લક્ષ્ય સેન મેન્સ સિંગલ્સના અને ડબલ્સમાં સાત્વિક-ચિરાગ બીજા રાઉન્ડમાં હારીને બહાર થયા છે. વિશ્વ નંબર 18 ખેલાડી લક્ષ્ય સેનને જાપાનના ખેલાડી કોડાઇ નારાઓકાએ 21-19 અને 21-11થી હાર આપી હતી જ્યારે મેન્સ ડબલ્સમાં સાત્વિક-ચિરાગની ભારતીય જોડી પ્રી. ક્વાર્ટરમાં ચીની જોડી લિયાંગ વેઇ કેંગ અને વાંગ ચાંગ વિરુદ્ધ 44 મિનિટમાં 24-22 અને 21-14થી હાર મળી હતી. આ જીતથી પેરિસ ઓલિમ્પિક રજત ચંદ્રક વિજેતા પાંચમા ક્રમની ચીની જોડીનો ભારતીય જોડી વિરુદ્ધ 7-2નો રેકોર્ડ થઈ ગયો છે.