પૂરા પગારના આદેશ મળતાં શિક્ષકોમાં આનંદની લાગણી

ભુજ, તા. 29 : કચ્છ જિલ્લાના 45 જેટલા માધ્યમિક અને ઉચ્ચતર માધ્યમિક શિક્ષક ભાઈ-બહેનોને પાંચ વર્ષ પૂર્ણ થતાં પૂરા પગારના આદેશ અપાતાં શિક્ષકોમાં આનંદની લાગણી વ્યાપી હતી. શુક્રવારે જિલ્લા શિક્ષણાધિકારી કચેરી ખાતે યોજાયેલા આ આદેશ વિતરણ કાર્યક્રમમાં જિલ્લા શિક્ષણાધિકારી સંજયભાઈ પરમારે તમામ શિક્ષકોને અભિનંદન પાઠવી વિદ્યાર્થીઓનાં હિતમાં બમણા જોરથી શિક્ષણ કાર્યમાં લાગી જવા શુભકામનાઓ પાઠવી હતી. આ પ્રસંગે ઇન્ચાર્જ જિલ્લા પ્રાથમિક શિક્ષણાધિકારી પૃથ્વીરાજાસિંહ ઝાલા, વર્ગ-2 આચાર્ય નાસીર હુસેન મન્સૂરી, બિપિનભાઈ વકીલ, એકાઉન્ટ ઓફિસર ભરતભાઈ મકવાણા, મદદનીશ શિક્ષણ નિરીક્ષક પરેશભાઈ અજાણી, અશ્વિનાસિંહ વાઘેલા, હેડક્લાર્ક કૃણાલભાઈ મકવાણા, બોર્ડ મેમ્બર દિવ્યરાજાસિંહ જાડેજા ઉપસ્થિત રહ્યા હતા. કચેરી સ્ટાફે જહેમત ઉઠાવી હતી. આ તકે પૂરા પગારના આદેશ મેળવનાર શિક્ષકોએ ખુશીની લાગણી વ્યક્ત કરી હતી.