નલિયા, તા. 29 : મરીન ટાસ્ક ફોર્સ-જખૌ અને મરીન
પોલીસ જખૌના સંયુક્ત ઉપક્રમે જખૌ બંદર ખાતે
દરિયાઈ સુરક્ષા અને લોકજાગૃતિના ભાગરૂપે એક વિશેષ ગ્રામસભાનું આયોજન કરવામાં આવ્યું
હતું. મરીન ટાસ્ક ફોર્સના પોલીસ અધીક્ષક એસ.
જે. પરમારનાં માર્ગદર્શન હેઠળ યોજાયેલી આ સભામાં ડીવાય.એસ.પી. આર. એમ. ચૌધરીએ અધ્યક્ષ
સ્થાનેથી ઉપસ્થિત રહીને માછીમારોને સંબોધ્યા હતા. પોતાનાં ઉદ્બોધનમાં તેમણે કટોકટીના
સમયે પોલીસ અને પ્રજા વચ્ચે સુદૃઢ સંકલન સાધવા, દરિયાઈ વિસ્તારમાં કોઈ શંકાસ્પદ બોટ કે અજાણી વ્યક્તિઓની હિલચાલ જણાય તો તુરંત
પોલીસને જાણ કરવા તેમજ કેફી પદાર્થોની હેરાફેરી જેવા ગંભીર વિષયો પર સચોટ માહિતી આપી
લોકોને જાગૃત કર્યા હતા. આ કાર્યક્રમમાં જખૌ બંદરના બોટમાલિકો અને માછીમાર ભાઈઓ મોટી
સંખ્યામાં ઉપસ્થિત રહ્યા હતા. (તસવીર : કપિલ જોષી)
