ગાંધીધામમાં શ્રમિક પરિવારનાં બાળકો માટે ફેશન શો અને નૃત્ય હરીફાઈ યોજાઈ

ગાંધીધામ, તા. 29 : અહીંના કાર્ગો આંબેડકર નગર ઝુંપડપટ્ટી ખાતે બી.વી. શાંતિ ફાઉન્ડેશન અને કચ્છ જનરલ મજદૂર સંઘના ઉપક્રમે શ્રમિકોનાં બાળકો માટે ફેશન શો અને નૃત્ય સ્પર્ધા યોજાઈ હતી, જેમાં બાળકોએ ઉત્સાહભેર ભાગ લીધો હતો. કાર્યક્રમમાં માનવતા ગ્રુપના પ્રમુખ ગોવિંદભાઈ દનીચા, ઈન્દ્રજિત યાદવ, પપ્પુ પાસવાન, મુકેશ ભરવાડ, સીતાદેવી, પ્રેમ તિવારી, અર્ચના શ્રીવાસ્તવ, પાયલ શ્રીવાસ્તવ, જિતેન્દ્ર શ્રીવાસ્તવ, રાજેશ મુખિયા સહિતના  ઉપસ્થિત રહ્યા  હતા.ઝુંપડપટ્ટી વિસ્તારના બાળકોમાં આત્મવિશ્વાસ  અને પ્રતિભા કેળવવા આયોજિત આ કાર્યક્રમમાં શ્રેષ્ઠ પરંપરાગત પોશાકમાં કંચન લતા સિદ્ધ, ફેશન શો થીમમાં શ્રેષ્ઠ  પ્રદર્શન દૃશ્યા શ્રીવાસ્તવ, શ્રેષ્ઠ મોડેલ સિમરન કૌર, તેમન કરણ આદિવાલ અને આશાદેવ તેમજ હુસ્ના ખાતૂનનું વિશેષ  પુરસ્કાર સાથે સન્માન કરવામાં આવ્યું હતું. આ વેળાએ મજદૂર સંઘના પ્રમુખ સંતોષ મિશ્રાના જન્મ દિવસની પણ ઉજવણી  કરવામાં આવી હતી.