અંજાર, તા. 29 : અહીંના બ્રહ્મક્ષત્રિય જ્ઞાતિપંચ પ્રેરિત અને અંજાર
મહિલા મંડળ આયોજિત સ્નેહમિલન, સરરસ્વતી
સન્માન અને સાંસ્કૃતિક કાર્યક્રમનું આયોજન કરાયું હતું. મંચસ્થ મહેમાનોના હસ્તે દીપ
પ્રાગટય કરી સમાજના અગ્રણી મગનલાલ સંઘાડિયાના
અધ્યક્ષસ્થાને કાર્યક્રમનો આરંભ કરાયો હતો.
અતિથિ વિશેષપદે ગાંધીધામ બ્રહ્મક્ષત્રિય
જ્ઞાતિપંચના પ્રમુખ ધનસુખભાઈ ટાટારિયા ઉપસ્થિત રહ્યા હતા. આ પ્રસંગે ભુજ બ્રહ્મક્ષત્રિય
મહિલા મંડળના પ્રમુખ દયાગૌરીબેન મચ્છર, ભુજ બ્રહ્મક્ષત્રિય યુવક
મંડળના સલાહકાર વેલજીભાઈ મચ્છર,ગાંધીધામના ગોપાલભાઈ લિયા ઉપસ્થિત રહ્યા હતા.અંજાર બ્રહ્મક્ષત્રિય જ્ઞાતિપંચના
પ્રમુખ સમીરભાઈ છાટબારે સ્વાગત ઉદ્બોધન આપ્યુ
હતું. જેન્સી સેતાએ સ્વાગત ગીત રજૂ કર્યું હતું. પ્રમુખ સમીરભાઈ
જ્ઞાતિપંચના ટ્રસ્ટી જિતેન્દ્રભાઈ સોનેજી, વસંતબેન સંઘાડિયા ધ્વારા મહેમાનોનું
સન્માન કરવામાં આવ્યું હતું. માનસી સોનેજી,
હેન્સી સોનેજી, કિશા સોનેજી, પ્રિન્સી મચ્છર, દિયા નિર્મળ અને દિતિ નિર્મળએ સાંસ્કૃતિક
કાર્યક્રમની કૃતિ પ્રસ્તુત કરી હતી. કુસુમબેન ટાટારિયાએ દેવદિવાળી અંગે વક્તવ્ય આપ્યું હતું. ઉપસ્થિત મહેમાનોએ સમાજની પ્રગતિ
માટે સંગઠન એકતા ઉપર ભાર મુકયો હતો. મગનલાલભાઈ સંઘાડિયાએ પોતાના વક્તવ્યમાં અંજાર સમાજના
ઈતિહાસનો ઉલ્લેખ કરીને સમાજના યુવાનોને સમાજકાર્ય માટે યોગદાન આપવા માટે હાકલ કરી હતી.
એલકેજીથી કોલેજ સુધીના જ્ઞાતિના તમામ વિદ્યાર્થીઓને ઈનામ અને પ્રમાણપત્ર સાથે સન્માન કરવામાં આવ્યુ
હતું. અમિતભાઈ નિર્મળ દ્વારા વિદ્યાર્થીઓને ભેટ આપવામાં આવી હતી. બી.ઈ.ની પદવી મેળવનારા
તેજસ મુકેશભાઈ બ્રહ્મક્ષત્રિય અને સાગરકુમાર દીપકભાઈ લિયા તથા સક્રિય અને જ્ઞાતિપંચના ટ્રસ્ટી જિતેન્દ્રભાઈ સોનેજીનું
સ્મૃતિચિહ્ન આપી અભિવાદન કરાયુ હતું. ગાંધીધામના વિક્રમભાઈ મામતોરા અને અમિતભાઈ લિયા દ્વારા મ્યુઝીકલ હાઉઝી યોજાઈ હતી. મ્યુઝીકલ હાઉઝીના વિજેતાઓને વેલજી કેશવજી મચ્છર પરિવાર દ્વારા ઈનામ આપવામાં
આવ્યાં હતાં. સંચાલન ડો. કલ્પેશભાઈ મચ્છર અને
મુકેશભાઈ ટાટરિયા અને આભારવિધિ અંજાર મહિલા
મંડળના પ્રમુખ રિદ્વિબેન છાટબારે કરી હતી. આયોજનને સફળ બનાવવા માટે જ્ઞાતિજનોએ સહકાર
આપ્યો હતો.