ભુજ, તા. 28 : ઇપીએસ
પેન્શનમાં વધારો એ નિવૃત્ત કર્મચારીઓનો અબાધિત હક્ક છે. હાલ મળતું પેન્શન સાવ મામુલી
છે. ત્યારે પેન્શન 7500 કરવાની માંગ
સાથે ભુજમાં નિવૃત્ત કર્મચારીઓએ મૌન રેલી યોજી પોતાનો વિરોધ પ્રદર્શિત કર્યો હતો. જિલ્લા
મથકે આયોજીત રેલીમાં એસ.ટી. અને જીઇબીના નિવૃત્ત કર્મચારીઓ મોટી સંખ્યામાં જોડાયા હતા.
એસ.ટી. નિવૃત્ત કર્મચારીઓ દ્વારા કેન્દ્ર સરકારની ઇપીએસ 1995 પેન્શન યોજનામાં હાલ માત્ર 1000થી 2000 પેન્શન મળે છે. આ પેન્શ ધણોજ અપુરતું છે. આ પેન્શન
વધારી 7500 કરી આપવા આવેદનપત્ર
પાઠવી રજૂઆત કરાઇ હતી. એસ.ટી. નિવૃત્ત કર્મચારીઓએ હમીરસર તળાવ પાસે આવેલ મહાત્મા ગાંધીજીની
પ્રતિમા પાસે એકત્ર થઇ મૌન રેલીના સ્વરૂપે કલેકટર કચેરીએ પહોંચ્યા હતા. પેન્શનમાં વધારો
થાય તે માટે કલેકટરને આવેદનપત્ર પાઠવાયું હતું. કર્મચારીઓ મારફત આપેલ આવેદનપત્ર સ્વીકારી
અને ઉચ્ચકક્ષાએ રજૂઆત કરવા કલેકટરે ધરપત આપી હતી. એસ.ટી. નિવૃત્ત કર્મચારી પેન્શન સંઘ
ભુજ વિભાગના પ્રમુખ સુરેશ ચૌહાણ, મંત્રી સુરેશ વણોલ અને ખજાનચી વેલજી
મહેશ્વરીના માર્ગદર્શનમાં આ મહારેલીનું આયોજન કરાયું હતું. ઉલ્લેખનિય છે કે નિવૃત્ત
કર્મચારીઓ 10 વર્ષ કરતા વધુ સમયથી આ મુદે્ રજૂઆત
કરી રહ્યા છે.
