ભુજ, તા. 28 : અબડાસા
તાલુકાના ઉકીર ગામે ગૌચર માટે નીમ થયેલી જમીનમાં ખાનગી કંપની દ્વારા પવનચક્કી લગાવી
દબાણ કરાઈ રહ્યાના આક્ષેપ સાથે ગ્રામજનોએ ઉગ્ર રજૂઆત કરી છે. કલેક્ટર, ધારાસભ્ય સહિત અન્યોને ગ્રામજનોએ કરેલી લેખિત રજૂઆતમાં જણાવ્યાનુસાર,
ગૌચર જમીનનો ઉપયોગ અન્ય હેતુ માટે મનાઈ કરવામાં આવી હોવા છતાં ખાનગી
કંપની પોલીસની મદદથી પવનચક્કી લગાવવાનું કામ કરી રહી છે. ગ્રામજનો સાથે કંપનીના જવાબદારો
ધાકધમકી કરતાં હોવાના પણ આક્ષેપ થઈ રહ્યા છે.
