રમેશ ગઢવી દ્વારા : કાઠડા (તા. માંડવી), તા. 28 : પરિવર્તન સંસારનો નિયમ છે. તેમ સમય મુજબ લગ્નગાળાની સિઝનમાં પણ પરિવર્તન આવ્યું છે. માગસર માસ શરૂ થતાં જ લગ્નના ઢોલ ધ્રબુકી ઊઠે છે. ચાલુ માસે માંડવી તા.માં 100થી વધુ યુગલ પ્રભુતામાં પગલા માંડશે તેવું લગ્નગાળા વ્યવસાય સાથે સંકળાયેલા વ્યવસાયીકો પાસેથી જાણવા મળ્યું છે. એક સમયે લગ્નો વૈશાખ માસ, વસંત પંચમી કે દેવદિવાળીના સમયમાં લેવાતા. 14 ડિસેમ્બરથી કમુરતા શરૂ થાય છે અને એક માસ સુધી ચાલે જેથી હાલમાં લગ્નસરાની સિઝન પુરબહારમાં ખીલી છે. હવે લગ્ન વિધિ-વિધાનોમાં પણ ઘણા ફેરફાર આવ્યા છે. વરઘોડામાં બળદગાડાના સ્થાને મો..... વાહનોએ લીધું છે. `વીરા સુતો હોય તો જાગ' જેવા લગ્નગીતોના સ્થાને ડીજેમાં વાગતા ગીતો સાંભળવા મળે છે. તેવું માંડવીના લગ્નવિધિકાર રોહનભાઈ જોશીએ જણાવ્યું હતું. વિધિકાર માંડવીના કિરણભાઈ જોશીએ જણાવ્યું હતું કે, હાલમાં દરેક સમાજમાં લગ્ન પ્રસંગો યોજાતા હોવાનું ઉમેર્યું હતું. શુક્રનો અસ્ત હોય અને ગુરુ બળવાના હોય અને સૂર્ય ધનમાં વૃસાસનમાં જાય જેથી ...રમા સૂર્ય બળવાના અને કન્યાનો ગુરુ બળવાન હોય તો તે મુજબ લગ્ન મુહૂર્ત ચાલતા હોય છે. હવે મુખ્યત્વે લોકો હસ્તમેળાપનું મુહૂર્ત દિવસના સમયગાળામાં જ પસંદ કરે છે. જેથી આવવા-જવા સહિતની વ્યવસ્થામાં સરળતા રહે. ક્ષત્રિયો હજુ પણ રાત્રિના સમયે જ હસ્તમેળાપની વિધિ પસંદ કરે છે. જ્યારે સ્વામિનારાયણ તથા પાટીદાર સમાજમાં હવે કમુરતાના સમયે પણ લગ્ન થતા હોવાની ચર્ચા અંગે કિરણકુમાર દવેએ જણાવ્યું કે, અગાઉ થતા હતા પણ હવે તો એ સમાજ પણ શુભમુર્હૂતમાં જ લગ્નગ્રંથિથી જોડાવાનું પસંદ કરે છે. વિદેશ વસતા હોય ત્યારે સમગ્ર પરિવાર એકત્ર થાય અને લગ્ન લેવાય તો કોઈક જ પરિવાર કમુરતામાં લગ્ન માટે પસંદગી ઉતારે છે. અન્યથા શુભમુર્હૂત જ લગ્ન કરતા હોવાનું ઉમેર્યું હતું.
માંડવીમાં બુલબુલ `અશ્વ'ની બોલબાલા
લગ્નમાં
હવે હલ્દી, જાન, મંડળ અને વરઘોડામાં અશ્વના શણગારમાં
ગુલાબી કલરની પસંદગી વધુ કરાતી હોવાનું અશ્વધારક આરબ જતે જણાવ્યું હતું. પાંચ વર્ષથી
બુલબુલ સાથે 1500થી
વધુ વરઘોડામાં જોડાયેલા આ ધંધાર્થીઓ જણાવ્યું કે એક દિવસમાં પણ જેટલા વરઘોડામાં સ્થાનિક
જોડાય છે. અને બહારગામ જતા હોય તો એ મુજબ 4100થી
150000 સુધી ભાડું લેતા હોવાનું ઉમેર્યું
હતું. ઘોડી ડાન્સ, ખાટલા પર ડાન્સ જેવી વિવિધતા ધ્યાનાકર્ષક હોય છે. ધાર્મિક
કાર્યક્રમમાં નિ:શુલ્ક સેવા આપી પ્રસંગ શોભાવતા હોવાનું જણાવ્યું હતું.
