નખત્રાણા ઝીલ આશાપુરા વિસ્તારમાં નવનિર્મિત રસ્તાનું લોકાર્પણ કરાયું

મોટી વિરાણી (તા. નખત્રાણા), તા. 28 : છેલ્લા દોઢ દાયકાથી નખત્રાણાના ઝીલ વિસ્તારમાં નવો રસ્તો બની જતાં ચોમાસામાં વરસાદી પાણીની સમસ્યાથી પડતી મુશ્કેલીનો અંત આવતા ખુશી ફેલાઈ હતી. ઝીલ આશાપુરા નગરનું નવીન રોડનું કામ પૂર્ણ થતાં ખુલ્લો મૂકાયો હતો. ઢોલ-નગારાથી નવા બનેલા રોડનું ઉદ્ઘાટન કરાયું હતું. છેલ્લા 14 વર્ષથી અહીંના રહેવાસીઓ દર વર્ષાઋતુમાં રસ્તા પર પાણીની સમસ્યાથી પરેશાન હતા. નવો રસ્તો બનતા આ સમસ્યાનો ઉકેલ આવ્યો હતો અને રહેવાસીઓ દ્વારા નગરપાલિકાનો આભાર વ્યક્ત કરાયો હતો. માજી સરપંચ ચંદનસિંહભાઈ રાઠોડે ઉદ્ઘાટનમાં હાજરી આપી હતી. નગરપાલિકા દ્વારા ક્રમશ: વિકાસનાં કામો થાય જ છે. આવનારા દિવસોમાં વધુ વિકાસ થવાની લાગણી વ્યક્ત કરાઈ હતી. નારાયણ બાપુ, આનંદભાઈ, રાજુ મહારાજ તથા વિસ્તારના રહેવાસીઓ ઉપસ્થિત રહ્યા હતા. કાર્યક્રમનું સંચાલન દિલીપ મહારાજે ર્ક્યું હતું.