ગૌહાતી, તા. 27 : આસામ વિધાનસભાએ બહુપત્નીત્વ
(બહુવિવાહ) પર પ્રતિબંધ લગાવવા માટે એક ખરડો ગુરુવારે પસાર કર્યો હતો. આ કાયદા હેઠળ
જો કોઇ એવું કરે, તો તેને ગુનો
ગણવામાં આવશે અને કેટલાક અપવાદોને છોડીને તેના માટે વધુમાં વધુ 10 વર્ષની કેદ થઇ શકે છે. સાથે
જ પીડિતને 1.40 લાખ રૂપિયા વળતર આપવાની પણ
જોગવાઇ છે. અનુસૂચિત જનજાતિ શ્રેણીના લોકો અને છઠ્ઠી અનુસૂચિમાં આવતા વિસ્તારોને કાયદો
લાગુ નહીં પડે. આસામ બહુપત્નીત્ત્વ નિષેધ વિધેયક,
2025 પસાર કરવા પર મુખ્યમંત્રી હિમંતા
બિસ્વા સરમાએ કહ્યું હતું કે, `આ કાયદો ધર્મથી ઉપર છે અને ઇસ્લામ વિરુદ્ધ
નથી, જેમ કે એક વર્ગ એમ માની રહ્યો છે. બહુપત્નીત્વના
દોષિતને કાયદા અનુસાર સાત વર્ષની જેલ અને દંડની સજા થઇ શકે છે. જો કોઇ વ્યક્તિ પોતાના
હાલનાં લગ્નને છૂપાવીને બીજા લગ્ન કરે છે, તો તેને 10 વર્ષ કારાવાસ અને દંડની સજા
થઇ શકે છે. તેમણે કહ્યું કે, `િહન્દુ બહુપત્નીત્વથી મુક્ત નથી. આ અમારી
પણ જવાબદારી છે. આ બિલના દાયરામાં હિન્દુ, મુસ્લિમ, ઇસાઇ અને તમામ સમાજોના લોકો આવશે.' મુખ્યમંત્રી તરફથી તમામ વિપક્ષી સભ્યોને પોતપોતાના સંશોધન પરત લેવાની અપીલ
કરવામાં આવી, જેથી ગૃહમાં આ સંદેશ જાય કે મહિલાઓને સશક્ત બનાવવા
વિધેયક સર્વસંમતિથી પસાર થઇ ગયો છે.
