ગાંધીધામ, તા. 10 : અહીંની બી-ડિવિઝન પોલીસ ટીમે રૂા.
37800નો ચોરાઉ મનાતો શંકાસ્પદ ડીઝલનો
જથ્થો ઝડપી પાડયો હતો. પોલીસે રિક્ષા ચેમ્પિયન
જીજે- 04- એક્સ- 0023 વાહનમાં શંકાસ્પદ ડીઝલનો જથ્થો ગુડ્સ સાઈટ પુલિયાથી આદિપુર તરફ
જઈ રહ્યો હોવાની પૂર્વ બાતમીના આધારે ટાગોર
રોડ ઉપર આ વાહને રોકાવ્યું હતું. વાહનની છાનબિન દરમ્યાન 35 લિટરના ડીઝલના 12 કેરબા મળી આવ્યા હતા, જેની કિં. રૂા. 37,800 આંકવામાં
આવી હતી. પકડાયેલા આ જથ્થા અંગે જતિનસિંહ ભગીરથસિંહ વાઘેલા જરૂરી આધાર-પુરાવા રજૂ કરવામાં
અસમર્થ રહેતાં પોલીસે આ જથ્થાને હસ્તગત લીધો
હતો. પોલીસે કુલ રૂા. 1,07,800નો
મુદ્દામાલ કબજે લઈને વધુ તપાસ આરંભી છે.
