ગાંધીધામ / ભુજ, તા. 29 : અંજારના વરસામેડીમાં
રહેનાર મેહુલ ખીમચંદ ડામોર (ઉં.વ. 19) નામના યુવાને, જ્યારે ભુજ તાલુકાના તુગા ગામે 16 વર્ષીય તરુણી નરશીભાબાઈ જુણસ સમાએ ગળેફાંસો ખાઈ પોતાનું જીવન
ટુંકાવી લીધું હતું. બીજી બાજુ લાકડિયાની કંપનીમાં રોલરમાં આવી જતાં ઈમરાન રમજાન રાઉમા
(ઉં.વ. 33)એ જીવ ખોયો હતો તેમજ મોડવદર
નજીક ટ્રકે બાઈકને હડફેટે લેતાં બાઈકચાલક વિનોદ ખમીશા મારૂ (કોળી) (ઉં.વ. 26)નું મોત થયું હતું. વરસામેડીમાં
રહેનાર મૂળ દાહોદના મેહુલ નામના યુવાને ગઈકાલે સવારે અંતિમ પગલું ભરી લીધું હતું. આ
યુવાન પોતાના ઘરે હતો, દરમ્યાન અગમ્ય
કારણોસર તેણે ગળેફાંસો ખાઈ અનંતની વાટ પકડી લીધી હતી. બનાવ અંગે પોલીસે નોંધ કરી બનાવ
પછવાડેનું કારણ જાણવા આગળની છાનબીન હાથ ધરી છે. જ્યારે તુગા ગામે રહેતા તરુણવયની નરશીભાબાઈ
આજે બપોરે કોઈ અગમ્ય કારણોસર પોતાના ઘરના વાડામાં ગળેફાંસો ખાઈ લીધો હતો, આથી તેને સારવાર અર્થે ખાવડાની સરકારી હોસ્પિટલમાં ખસેડાતાં ફરજ પરના તબીબે
મૃત જાહેર કર્યા હતા. ખાવડા પોલીસ સમક્ષ વિગતો જાહેર થતાં પોલીસે અકસ્માત મોતનો ગુનો
દાખલ કરી કાર્યવાહી હાથ ધરી છે. બીજી બાજુ ભચાઉના લાકડિયા નજીક આવેલી મીના કંપનીમાં
ગઈકાલે અકસ્માતનો આ બનાવ બન્યો હતો. અહીં કામ કરનાર ઈમરાન નામનો યુવાન કામ કરી રહ્યો
હતો. દરમ્યાન રોલરમાં ડાબો પગ આવી જતાં તેને ગંભીર પ્રકારની ઈજાઓ પહોંચી હતી. તેને
સારવાર અર્થે લઈ જવાયો હતો, પરંતુ સારવાર કારગત નીવડે તે પહેલાં
આ યુવાને છેલ્લા શ્વાસ લીધા હતા. આગળની તપાસ પોલીસે હાથ ધરી છે. અકસ્માતનો એક બનાવ
ભુજ-ભચાઉ ધોરીમાર્ગ મોડવદર નજીક પાર્થ પોલીમર્સ પાસે ગઈકાલે સર્જાયો હતો. ચોપડવાનો
વિનોદ મારૂ બાઈક નંબર જીજે-12-સીક્યુ-7039 લઈને જઈ રહ્યો
હતો, ત્યારે સામેથી આવતી ટ્રક નંબર જીજે-12-બીએક્સ-6577એ બાઈકને હડફેટે લેતાં યુવાનને
ગંભીર ઈજાઓ પહોંચી હતી જેમાં તેનું મોત થયું હતું. બનાવ અંગે વિજય ખમીશા મારૂ (કોળી)એ
પોલીસ મથકે ફરિયાદ નોંધાવી હતી.
