આધાર વિનાના પવનચક્કી માટેના લોખંડના સળિયા સાથે શખ્સ જબ્બે

ભુજ, તા. 29 : માનકૂવા પોલીસે દહીંસરા પાસેથી આધાર-પુરાવા વગરના પવનચક્કીના ફાઉન્ડેશનમાં વપરાતા રૂા. 41,720ની કિંમતના લોખંડના સળિયા સાથે શખ્સને ઝડપીને કાર્યવાહી કરી હતી. માનકૂવા પોલીસે ખાનગી બાતમીના આધારે દહીંસરાથી આધાર-પુરાવા વિનાના ચોરી કે છળકપટથી મેળવેલા પવનચક્કીના ફાઉન્ડેશનમાં વપરાતા લોખંડના સળિયા, તેના પર લાગત ચાકી અને વાઇસર જોડ નંગ-47 જેની કિં. રૂા. 41,720, બોલેરો પિક-અપ કિં. રૂા. પાંચ લાખ અને મોબાઇલ ફોન કિં. રૂા. 30 હજાર એમ કુલ રૂા. 5,71,720ના મુદ્દામાલ સાથે અસલમ ઉર્ફે ભાલો અબ્દુલ કુંભાર (રહે. દહીંસરા)ને પકડીને કાયદેસરની કાર્યવાહી કરી હતી.