ગાંધીધામ, તા. 28 : શહેરમાં
પોલીસે રૂા.35,400ની કિંમતના
શરાબ સાથે દારૂના રખેવાળને ઝડપી પાડયો હતો. કાર્ગો પીએસએલ ઝૂંપડાં આંબેડકર નગર ગલી
નં.3માં આરોપી ધીરજ મથુરાય યાદવના
કબજાની ઓરડીમાં દારૂ વેચાતો હોવાની બાતમીના આધારે આ સ્થળે પોલીસે દરોડો પાડયો હતો.
આ સ્થળે છાનબીન દરમ્યાન અહીંથી શરાબની 25 બોટલ
અને બીયરનાં 10 ટીન કબજે કરાયાં હતાં. શરાબના જથ્થાની કિંમત રૂા. 35,400 આંકવામાં આવી છે. પોલીસે દારૂની રખેવાળી કરનારા આરોપી અમિત ઉર્ફે કાળુ ભૂશન પાસવાનની ધરપકડ કરી હતી. જ્યારે
મુખ્ય આરોપી ધીરજ પોલીસ પકડથી દૂર રહ્યો હતો.
