વધુ બે કન્ટેનરમાં ઝડપાયો દારૂ ?

મુન્દ્રા, તા. 28 : મુન્દ્રા પોર્ટમાં એસએમસીના દરોડામાં પંજાબથી ટ્રેન મારફતે લવાયેલા બે દારૂના કન્ટેનરનો મામલો હજુ ઠંડો નથી પડ્યો, ત્યાં વધુ બે દારૂ ભરેલા કન્ટેનર પકડાયાની જાણકારી મળી રહી છે. કસ્ટમ સૂત્રોના જણાવ્યા મુજબ, અગાઉ પકડાયેલું દારૂનું કન્ટેનર એ રેલવે મારફતે આવ્યું હતું પરંતુ આ બે કન્ટેનરની તપાસ થઈ રહી છે એ સીએફએસમાં છે અને કસ્ટમની તપાસમાં બંન્નેમાંથી દારૂ નીકળી પડ્યો છે. પોલીસ સહિતની એજન્સીઓ પણ રાત્રે આ લખાય છે ત્યારે સક્રિય બની છે અને તપાસ ચાલુ હોવાથી વધુ વિગતો આપવાનો આ જાણકારો ઈન્કાર કરી રહ્યા છે. પરંતુ, પ્રાથમિક દાવા મુજબ પરવાના વિના નિકાસના નામે દારૂ મુન્દ્રા આવતો હોવાનું માનવામાં આવે છે. હવે આ મામલે ભીનું સંકેલાય છે કે તપાસ આગળ વધે એ છે એ જોવાનું રહે છે.