મુંદરા પોલીસે ત્રણ ટ્રેઈલર ટ્રોલીની ચોરીનો ભેદ ઉકેલ્યો : આરોપી મુદ્દામાલ સાથે જબ્બે

ભુજ, તા. 4 :  મુંદરાની ધ્રબ સીમમાં અશોક લેલેન્ડના શો-રૂમ પાસે પાર્ક કરાયેલી ત્રણ ટ્રેઇલર ટ્રોલીની ચોરી થયાની ફરિયાદના ગણતરીના કલાકોમાં મુંદરા પોલીસે ચોરી કરનાર આરોપી ચોરાઉ મુદ્દામાલ સાથે ઝડપી આ ચોરીનો ભેદ ઉકેલી લીધો છે. મુંદરાના પીઆઇ આર.જે. ઠુમ્મરે ચોરીનો ભેદ ઉકેલવા બનાવેલી અલગ-અલગ ટીમો તપાસમાં હતી, ત્યારે એ.એસ.આઇ. જયેન્દ્રસિંહ ઝાલાને બાતમી મળી કે, આ ગુનાને સની અનિલભાઇ કાપડી (રહે. હાલે વર્ધમાનનગર-મુંદરા મૂળ દબડા, તા. અંજારવાળા)એ અંજામ આપ્યો છે. આથી સનીને શોધી તેની યુક્તિ-પ્રયુક્તિથી પૂછતાછ કરતાં ગુનાની કબૂલાત કરી હતી અને ચોરેલી ત્રણે ટ્રેઇલર ટ્રોલી ધ્રબ હોસ્પિટલની પાસે રોડની બાજુમાં રાખી હોવાનું જણાવ્યું હતું.