મોટા બાંધામાં રેતીચોરી ઝડપાઈ : ટ્રેક્ટર- લોડર હસ્તગત

ભુજ, તા. 15 : તાલુકાના સરહદી વિસ્તાર મોટા બાંધાની નદીમાં ગેરકાયદે થતી રેતીચોરી એલસીબીએ ઝડપી હતી. ટ્રેક્ટર અને લોડર જપ્ત કરાયાં હતાં. આ અંગે એલસીબીએ જાહેર કરેલી વિગતો ખાવડા પોલીસ વિસ્તારમાં પેટ્રોલિંગ દરમ્યાન ખાનગી બાતમી મળતાં મોટા બાંધાના નદી વિસ્તારમાં ગેરકાયદેસર રીતે રેતી (ખનિજ)નું ખનન ચાલુ હતું. લોડર ચાલક રસીદ ઈબ્રાહિમ સમા (સુમરાસર-શેખ) અને ટ્રેક્ટર ચાલક સનાવલા કાસમ સમા (નાના દિનારા) પાસે આ અંગે રોયલટી પાસ-પરમીટ માગતાં તે ન હતી. આ જગ્યાએ થયેલા ખાણકામ બાબતે ખરાઈ કરવા ખાણ ખનિજ વિભાગને સ્થળ તપાસણીની જાણ કરી નવ લાખના બે વાહન જપ્ત કરી કાર્યવાહી કરાઈ હતી.