મુંબઈ, તા. 18: મહિલા પ્રીમિયર લીગના બીજા ડબલ હેડરમાં આજે યુપી વોરિયર્સ અને મુંબઈ ઇન્ડિયન વચ્ચે મુકાબલો થયો હતો. જેમાં યુપીને મુંબઈ તરફથી મળેલા 128 રનનો લક્ષ્યાંક 19.3 ઓવરમાં પાંચ વિકેટના નુકસાને પાર પાડી લીધો હતો. જેમાં તહલીયા મેકગ્રેથ અને ગ્રેસ હેરિસને મહત્ત્વની ભૂમિકા ભજવી હતી. આ સાથે જ આ સાથે જ મુંબઈની ટૂર્નામેન્ટમાં પહેલી વખત હાર થઈ છે. મુંબઈની ટીમને યુપીના બોલરોએ સતત અંકુશમાં રાખી હતી. જેનાં પરિણામે સમયાંતરે વિકેટોનું પતન થતું રહ્યું હતું. મુંબઈ તરથી ઓપનર હેલી મેથ્યુસે 30 બોલમાં એક ચોગ્ગા અને ત્રણ છગ્ગાની મદદથી 35 રન કર્યા હતા જ્યારે હરમનપ્રીત કૌરે 22 બોલમાં 25 તેમજ વોંગે 19 બોલમાં 32 રન કર્યા હતા. 20 ઓવરમાં 127 રને મુંબઈની ટીમ ઓલઆઉટ થઈ હતી. યુપી તરફ એસ્લેસ્ટોને ત્રણ વિકેટ લીધી હતી. 128 રનના પડકારનો સામનો કરવા ઉતરેલી યુપીની ટીમની બે વિકેટ 21 રનના કુલ સ્કોરે પડી હતી. ત્યારબાદ 27ના સ્કોરે કિરવ નવગીરે પણ પેવેલિયન પરત ફરી હતી. બાદમાં તહલીયા મેકગ્રાથ અને ગ્રેસ હેરિસે બાજી સંભાળી હતી. જેમાં મેકગ્રાથે 25 બોલમાં 38 રન કર્યા હતા અને હેરીસે 28 બોલમાં 39 રન કર્યા હતા. અંતિમ ઓવરમાં ચાર બોલમાં પાંચ રનની જરૂર હતી ત્યારે સોફીએ સિક્સ ફટકારીને ટીમને જીત અપાવી દીધી હતી. પ્લેઓફમાં પહોંચવા માટે યુપીને મેચમાં જીત જરૂરી હતી.  વધુ સમાચાર માટે ક્લિક કરો .....https: //epaper.kutchmitradaily.com