ગાંધીધામના પુસ્તકમેળાને ભારે પ્રતિસાદ

ગાંધીધામના પુસ્તકમેળાને ભારે પ્રતિસાદ
ગાંધીધામ, તા. 13 : શહેરના ભારત વિકાસ પરિષદ અને પુસ્તક પરબ દ્વારા સહજાનંદ રૂરલ ડેવલપમેન્ટ ટ્રસ્ટ ભુજ તથા સરસ્વતી  સહયોગ વિદ્યામંદિરના સહકારથી દ્વિતીય પુસ્તક મેળો  યોજાયો હતો. જેમાં અંદાજિત સાત લાખના પુસ્તકોનું વેચાણ થયું હતું. કાર્યક્રમના  પ્રારંભમાં  દક્ષાબેન સંઘવી, ડો. વિમ્મીબેન સદારંગાણી, કુમાર જીગ્નેશ શાહના  હસ્તે દીપ પ્રાગટય કરાયું હતું. આ અવસરે  સહયોગ વિદ્યામંદિરના  ભરતભાઈ ધોકાઈનું  સન્માન કરાયું હતું. આ  નગરના  નાગરિકો તથા બાળકોમાં  વાંચન પ્રત્યેની રૂચિ કેળવાય  તે ઉદેશસર  પુસ્તક પરબ ગાંધીધામ  દ્વારા  ભારત વિકાસ પરિષદના સહયોગથી સતત  પ્રયત્નો હાથ ધરવામાં આવે છે.  આ મેળામાં યુવાઓ અને બાળકો ખૂબ મોટી સંખ્યામાં પુસ્તકોની પસંદગી કરતા જોઈ  આવનારી પેઢી વાંચન પ્રત્યે કેટલી સજાગ છે તેનો ખ્યાલ પડયો હતો. સમગ્ર આયોજનને  સફળ બનાવવા માટે  પરિષદના પ્રમુખ  જખાભાઈ આહીર, પ્રો. ચેરમેન ડો. હિરેન મહેતા, મંત્રી સુરેશ ઠક્કર, પુસ્તક પરબના સતીશ મોતા, સુરેશ લાલવાણી, દેવરાજ મહેશ્વરી, શીતલ  ઠક્કર, તેજસ પુજારા, કનૈયાલાલ  ભાવનાણી, સંજય ઠક્કર, કૌશિક ખીલોસિયા, વિનોદ મેઘાણી, નિલેશ શાહ  વગેરે સહકાર આપ્યો હતો. 

Crime

© 2020 Saurashtra Trust

Developed & Maintain by Webpioneer